![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Parcs naturai: ci y co pa?
La sconanza tl scomenciamënt
Ci che fej fora la fondamënta di Parcs naturai dl Südtirol é l'idea da mantigní les contrades naturales y culturales straordinares te süa condiziun originara.
Chësta fondamënta n'é nia gnüda cheriada por caje tl mëteman di agn 1970, canche al scomenciâ i tëmps dl miraco economich y al gnô n pü' indlunch invié ia le insciödit progres.
Al é indere prigo che le cost de chësc progres sides dër alt sce an pënsa che al vëgn petoné pro, desdrüt y roviné contrades uniches. Por schivé che an rovass tan inant ince te raiuns che al paia particolarmënter la mëia da sconé él ince gnü concretisé tl Südtirol l'idea di parcs naturai.
Dal 1974 incá á la Junta provinziala istituí indöt set parcs naturai por sconé y mantigní la natöra unica. Inlaota gnô i set parcs naturai odüs cun sceticism dala popolaziun, mo aldedaincö ési n model de suzes.
I parcs naturai tl Südtirol é y restará n proiet comunitar.
Conzet
Le conzet di Parcs naturai dl Südtirol definësc i obietifs y i prinzips prioritars. Chiló gnëise alsavëi deplü sön i prinzips plü importanc dla sconanza.
Regoles de comportamënt
Por la sconanza di raiuns sensibli ti parcs naturai vëgnel invié dötes les porsones che i vijitëia da se tigní a n valgönes regoles de comportamënt. Chiló pón se fá n'idea generala dles regoles varëntes.