![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
I set Parcs naturai tl Südtirol
Tl Südtirol él set parcs naturai. Düc i raiuns de sconanza ti vá do ala medema idea, chëra da sconé contrades naturales y culturales particolares, y da les presservé te süa condiziun originara. Ci che i desfarenziëia é propi les carateristiches particolares che ai scona.
1/7 Parch naturel Scilier-Ciadenac
... scona la contrada dolomitica unica incër le Scilier, che é n pü' n simbol dl Südtirol, y la contrada da crëp dl Ciadenac.
2/7 Parch natural Grup de Tessa
... al é le majer parch natural dl Südtirol y al é caraterisé dala grandiscima varieté dles contrades formades dal'ega.
3/7 Parch naturel Puez-Odles
... deura na finestra sön la storia dla tera deache incër les pizes de Pöz, les Odles de Funes y Pütia él da ciafé na gran pert di sedimënc de pera tipics dles Dolomites.
4/7 Parch natural Fanes-Senes-Braies
... custodësc i pra da cialc ampli y les formes carsiches uniches dles Dolomites de Braies y de Fanes.
5/7 Parch natural Trudner Horn
... é le su parch natural che é daldöt sot i 2.000 m sura le livel dl mer y é caraterisé dala flora y fauna plü rica de sorts de düc i parcs naturai.
6/7 Parch natural Trëi Pizes de Lavarëi
... tol ite i bosć, i pra da munt y les pastöres, y les contrades da crëp dales sfësses salvaries dles Dolomites de Le Sest che é bonamënter la pert plü conesciüda dl Patrimone Natural dl'Umanité UNESCO.
7/7 Parch natural Rieserferner-Ahrn
... scona les contrades amples caraterisades dal'agricoltöra da munt y les regiuns da crëp danter Antholz y les valades dl Aurin y de Türesc.
Ultimo ajornamënt: 09/05/2025