![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Ciasa dl Parch Natural Fanes-Senes-Braies
La Ciasa dl parch natural Fanes-Senes-Braies é gnüda fata sö a Al Plan de Mareo, olach’al pëia ite la Val dai Tamersc.
La Ciasa dl Parch natural é n pü’ sciöche na finestra daverta sön le parch natural: tres media interatifs, videos, tofles y terars röion a conësce i socrëc dl raiun sot a sconanza.
Les alzades é coliades da rampes y che che vá a ti ciaré ala Ciasa dl Parch natural se möi sciöche te na spirala tres i seturs d’esposiziun desvalis: la formaziun dles Dolomites, la laurs de Conturines descurida dl 1987, i ambiënc de vita plü importanc dl parch natural, sciöche ince n relief tridimenjional che mostra sö la morfologia dl raiun.
De plü retrac condüj virtualmënter tres i plü bi posć dl raiun sot a sconanza. Dlungia l’economia da munt cun i paisc da munt tipics vëgnel presenté i pra da munt d’Armentara y de Plätzwiese, caraterisá da n gröm de sorts de ciöfs y de plantes, sciöche ince le monn dles liëndes ladines.
Chiló vára al program dles manifestaziuns dl 2025 dla Ciasa dl Parch natural.
Regolamënt | Jí a ti ciaré ala Ciasa dl Parch natural en segurëza
Orars de daurida
STLÜT
Tla Ciasa dl Parch natural Fanes-Senes-Braies vëgnel fat laurs, por podëi ves pité tla dagní vijites ciamó plü atratives. Tratan le renovamënt n’él nia tres poscibl da podëi gní a ti ciaré ala ciasa dl parch. Giulan por osta comprenjiun! Denant co gní a vijité ves periunse porchël da ves informé CHILÓ sura i orars ajorná.
Virtual Tour tla Cësa dl Parch naturel
InantLaboratore creatif de Daksy
Vigni vëndres dales 15.00 sëise dër bel inviá tl laboratore creatif de Daksy. Mituns y mitans danter sis y dodesc agn pó pastelné cun materiai naturai, ciaré tl microscop, fá la blëita y fá tröp d’ater ciamó por imparé da conësce la natöra y descurí cosses nöies.
Al vá debojëgn da aposté. De plü informaziuns é da ciafé diretamënter tla Ciasa dl Parch natural.
Entrada debann!
Contat
Matteo Rubatscher (sön la fotografia)
responsabl dla Ciasa dl Parch natural Fanes-Senes-Braies
Ciasa dl Parch natural Fanes-Senes-Braies
str. Catharina Lanz 96
39030 Al Plan de Mareo
Tel. +39 0474 506120
E-mail: info.fsp@provinz.bz.it
Rové adalerch
Bus: Al é coliamënc cun i bus che vëgn da Bornech y da Corvara. A Longega pón senté sö sön le bus che vá cina ala fermada dl bus Al Plan/Ciasa dl Parch natural 100 m dan la Ciasa dl Parch natural.
Auto: Atira dlungia la Ciasa dl Parch natural él na plaza da parché debann.
Fahrplanauskünfte: www.suedtirolmobil.info oder unter Tel. 840 000 471
Ultimo ajornamënt: 05/05/2026