Cësa dl Parch naturel Scilier-Ciadenat

Modiei geologics fac aposta mostra a na maniera da fé marueia l viac lonch dl Scilier nchin da nëus, che à scumencià dan milions d’ani tl ost dl’Africa. N sas partì te doi pertes, nsci tlamà Cipit, n toch de n banch de corai cherpà ju da n atol, documentea la furmazion dai banc de corai de chël che vën tlamà dolomit dl Scilier.

Ma tla cësa vëniel nce metù tla lum l mond particuler de vegetazion y fauna tl Parch naturel che tira bele da for adalerch truepa persones studiëuses y nteressedes ala natura. L ne ie nia n cajo che l Parch naturel Scilier-Ciadenat cun si habitat particuleres ie n raion Natura-2000 y nsci nce pert dla rë europeica. Sun de gran imajes possen crì cun l aiut de roles animedes plantes y tieres speziei. Chi che passa de nuet pra la Cësa dl Parch naturel possa scuvierjer cun n pue’ de fertuna sun proiezions de nuet n valgun abitanc dl Parch naturel che ie tlo da cësa y che ie atifs danterëures y de nuet. 

La cuntreda dl Scilier y dl Ciadenat coche l ie da udëi ncuei vën rateda “bela”, ma la l ie deventeda nce pervia dla nfluenza dla populazion de chësc raion. Parëies de imajes tla Cësa dl Parch naturel tlarësc la truepa manieres de coche la cuntreda ie unida furmeda dala jënt. Chësc vën nce purtà a esprescion dal Leitmotiv dl parch “Vedla cultures y ududes nueves”. Te n juech de cuntreda interatif, che ie nluegià tla pura marcanta de n lën a mesa l local, possa i/la vijitadëures se giaté ora nstësc ce fazion che la formes defrëntes dl’economia da paur y dl turism à sun la cuntreda. Chi che uel paussé y se relassé dan o do la jita tl raion dla ntreda tres la Cësa dl Parch naturel possa se senté sun un di canapés nvienc o amiré la belëza dla cuntreda sun la imajes panoramiches a 360°.

Tla cësa à nce la lia per l turism y la bibliotech si sënta.

Regulamënt | Vijita dla Cësa dl Parch naturel n segurëza

Vijitëde nce nosc Infopoint Steger Säge Dier und Völser Weiher!