Parch natural Pöz-Odles

Percursc naturalistics

Percursc naturalistich "Zans"

Percursc naturalistich "Zans"
Percursc naturalistich "Zans"

Le percurs naturalistich „Zans“ é ite insom la Val de Funes. Al é le pröm dla provinzia adaté ince por scagns da rodes y al ti presentëia a chi che vá a spazier y sö por munt la contrada naturala y culturala unica dl Parch natural Pöz-Odles.

Na contrada culturala da paur, bosć y pra da munt plëgns de flu sot les pizes imposantes dles Odles acompagnëia i vijitadus por trëi chilometri. Indöt él 14 staziuns, en pert cun scritöra braille (por i verc), che informëia sön la formaziun y les particolarités naturales de chësc raiun.

Dala plaza da parché a Zans condüj le tru tres la Piuswiese pormez a na tlisöra de salvarjina, passan impröma dlungia la cialciara y la ütia „Kelderer Wiese“ y spo dlungia la ciasa forestala ia y röia ala fin indô jö dala plaza da parché a Zans. Le toch plü ërt da jí söpert á na pendënza dl ot porcënt, te de plü posć ciafon n banch da palsé che inviëia a sté chic y a ciaré incërch.

Les scoltöres de lëgn metüdes sö pro n valgönes staziuns é gnüdes fates tl salf protezioné „Der Kirschbaum“ a Balsan. Le zënter di verc San Rafael da Balsan s’á cruzié de arjigné ca i tesć tla scritöra braille.