Parch natural Pöz-Odles

Ciasa dl parch natural

Sciöche ultim di set parcs naturai dl Südtirol á sëgn ince le Parch natural Pöz-Odles so zënter di vijitadus. La Ciasa dl parch natural, inaugurada ai 29 de dezëmber dl 2009 tl zënter de Santa Madalena de Funes, é n frabicat da döes alzades a forma de n cubus, fat de n petun (coru dl papyrus).

La Ciasa dl parch natural Pöz-Odles s’á tut sö le compit de porté la natöra plü daimpró dai vijitadus, invian la jënt da jí a ti ciaré. Na fotografia dal alt da podëi jí suraia ti dá la poscibilité ai vijitadus da ti ciaré al parch natural dala prospetiva de vicel y da d’avëi insciö na miú vijiun dla contrada.
Tla pert resservada ala mostra „Berge anfassen – Pié ite i crëps“ vëgnel traté l’argomënt prinzipal dl parch natural, la geologia dles Dolomites. Chiló vëgnel mostré sorts de pera y de func tipics dl raiun sciöch’an les ciafa tla realté. Stereoscops metüs sö sön le post impormët da ti dé n’odlada ala contrada reala. La „Stüa dles morvëies ‚Natöra’“ tla secunda alzada pita na bela lerch por de vigni sort de descorides: coes de vicí, pedies, plömes, pels, corgn, ma por nen nominé n valgönes. L’alpinism vëgn presenté dala pert intitolada „Concuisté i crëps“. L’alpinist de Funes y bunamënter ince le plü conesciü al monn, Reinhold Messner, cunta te n film cört de sües esperiënzes sö por i crëps. Le chino dla munt pita n program fis de films selezioná sön le parch natural che vëgn mostrá ia por l’edema. Tla ciasa nöia dl parch natural él sambëgn ince da odëi le „Film dl Parch natural Pöz-Odles“ nü, che ti presentëia les particolarités dl Parch natural Pöz-Odles ai vijitadus, tres secuënzes fantastiches de retrac.

Orars de daurida 2017

Dai 2 de mei ai 28 de october y dai 28 de dezëmber dl 2017 ai 31 de merz dl 2018, dal mertesc ala sabeda, dales 9.30 ales 12.30 y dales 14.30 ales 18.00.

De messé y agost é la Ciasa dl parch natural ince daverta la domënia.

Calënder dles manifestaziuns

1Nov2017

Naturparkhaus geschlossen

 Naturparkhaus Puez-Geisler

La stüa creativa de Daksy

Tla Ciasa dl parch natural vëgnel pité de messé, agost y setëmber, vigni vëndres dales 15.00 inant, n domisde por mituns.

I un arjigné ca de beles sorpreses sot al moto „Descorí la natöra“. Por mituns dai 6 ai 12 agn. An mëss se prenoté!

Entrada debann!

Misciun

Andrea Leitner, responsabl dla Ciasa dl parch natural Pöz-Odles

Andrea Leitner

responsabla dla Ciasa dl parch natural Pöz-Odles

Misciun

Ciasa dl parch natural Pöz-Odles
Santa Madalena, Trebich 1
39040 Funes
Tel.: +39 0472 842523
Fax: +39 0472 842677
E-mail: info.pg@provinz.bz.it