Parch natural Pöz-Odles

Parch natural Pöz-Odles

Le liber de storia dla tera

Le punt dl confin plü a nord dl Parch natural Pöz-Odles metü sö dl 1978 é le Ju de Börz y chël plü a süd le Ju de Frara, a vest röia le raiun ite tla Val Badia (Lungiarü, Antermëia), a ost cina te Funes y te Gherdëna. La pert setentrionala dl raiun vëgn dominada dales Odles de Eores y de Funes y da Pütia, la pert meridionala dal plateau de Gherdenacia, Sassongher, Pöz (cun Val) y dal Grup de Cier.

Dl 1999 é le parch natural gnü amplié y sëgn tolel ite na spersa de incër 10.722 ha, partida sö danter i comuns de Badia, Corvara, Funes, San Martin de Tor, Urtijëi, Santa Cristina y Sëlva. Düc i comuns che imbracëia le parch natural, ater co Funes, é comuns ladins: dala pert plü cuntra süd dl parch él Santa Cristina, Sëlva, Badia y Corvara, dala pert plü cuntra ost, San Martin de Tor.

Tl raiun dl Parch natural Pöz-Odles pón odëi avisa sciöche les Dolomites s’á formé: i geologs ciafa chiló dötes les sorts de peres, func de sedimentaziun y formes d’erojiun tipiches dles Dolomites. Plateaus carsics, parëis maestusc, pra da munt lisirmënter ondulá y bi grassins dan da siluëtes bizares de crëps, valades d’erojiun taiades ite sot y bosć da odlina scürs forma na varieté dla contrada, ch’an ciafa zënza ma dër dainré adöm, te tan n pice raiun.

Le Parch natural fej pert dla rëi europeica de raiuns sot a sconanza „Natura-2000“ (link estern), che á la sconanza di ambiënc de vita y dles sorts de tiers salvari y dles plantes da munt sciöche pröm fin. Les fondamëntes iuridiches por chësc proiet é dades dala diretiva por la fauna, la flora y le habitat, en cört FFH (92/43/EWG), y dala diretiva por la proteziun di vicí 2009/147/EF (79/409/EWG). Aladô dl articul 6, paragraf 1, dla diretiva por la fauna, la flora y le habitat, mëss i stac mëmbri dé dant les mosöres de mantignimënt por i raiuns „Natura-2000“. Le Südtirol á lascé lauré fora por chësc fin na sort de planns-management (link estern).

Plata dl Parch natural

Spersa10.722 ha
Deslivel1.499 m
Comuns
  • Funes: (link estern) 2.411 abitanc, spersa 8.106 hectar, pert dl parch natural 2.166 hectar
  • Urtijëi: (link estern) 4.504 abitanc, spersa 2.425 hectar, pert dl parch natural 985 hectar
  • Santa Cristina: (link estern) 1.177 abitanc, spersa 3.183 hectar, pert dl parch natural 881 hectar
  • Sëlva: 2.559 abitanc, spersa, 5.327 hectar, pert dl parch natural 2.101 hectar
  • Corvara: (link estern) 1.271 abitanc, spersa 4.213 hectar, pert dl parch natural 1.097 hectar
  • Badia: (link estern) 3.080 abitanc, spersa 8.294 hectar, pert dl parch natural 1.011 hectar
  • San Martin de Tor: (link estern) 1.705 abitanc, spersa 7.634 hectar, pert dl parch natural 2.581 hectar
Istituí1978

Dolomites Patrimone mondial UNESCO

D’isté dl 2009 é les Dolomites gnüdes tutes sö tla lista dl patrimone mondial dl’UNESCO por la belëza de süa contrada straordinara y por süa importanza geomorfologica y geologica. Sön chësta lista röiel ma bëgns naturai o culturai unics, chiris fora cun cura y tuc sö deache ai á na gran importanza por la comunité internazionala. Ales Dolomites y insciö ince al Parch natural Pöz-Odles ti él gnü dé le majer reconescimënt odü dant por i bëgns naturai. N reconescimënt che se ghira ince n impëgn y na responsabilité particolara por ci che á da nen fá cun la sconanza y le svilup te n tëmp plü lunch de chësc raiun da munt straordinar.

Karte - Naturpark Puez-Geisler

Ciasa dl parch natural

Ciasa dl parch natural Pöz-Odles
Santa Madalena, Trebich 1
39040 Funes
Tel.: +39 0472 842523
Fax: +39 0472 842677
E-mail: info.pg@provinz.bz.it

Misciun...