Parch natural Fanes-Senes-Braies

Percursc naturalistics

Percurs naturalistich „Tru di Lersc“ a San Ciascian

Percurs naturalistich „Tru di Lersc“ a San Ciascian
Percurs naturalistich „Tru di Lersc“

Le tru conesciü sciöche „Tru di lersc“, che passa danter i lüsc de Rüdeferia y Rü sura le paisc da San Ciascian, rapresentëia na pert dl confin dl parch natural y é gnü arjigné ca sciöche percurs naturalistich: staziuns interatives cun informaziuns, retrac, ilustraziuns y jüc atirëia l’atenziun di vijitadus. Pian ia da un di dui lüsc pon fá le tru te trames les direziuns. Le tru é plü o manco n chilometer lunch y n’é nia sfadius, porchël él adaté dantadöt por families cun mituns. Al á döes staziuns cun informaziuns generales y set staziuns cun informaziuns spezifiches.

Le tema prinzipal dl percurs é les sorts desvalies de contrada, che é gnüdes a s’al dé cun le laur y l’anuzamënt estensif dla porsona, sciöche i pra y les pastöres ti larjëis, o ince i bosć y i rüs cun sües carateristiches naturales y culturales.

L’atraziun prinzipala dl Tru di lersc é le morin dl lüch de Rüdeferia. Chësc é indô gnü metü en funziun dal’Assoziaziun Turistica y dal Comun de Badia cun n contribut finanziar dl Ofize Parcs naturai y metü sot a sconanza sciöche n bëgn cultural. Al funzionëia ala perfeziun y po gní metü a jí d’isté, canche l’Assoziaziun Turistica organisëia escurjiuns cun n acompagnadú.

  • La cherta dl percurs naturalistich „Tru di lersc“ da desćiarié en PDF (grandëza: 0,78 MB)

Percurs naturalistich Lech de Toblach

Percurs naturalistich Lech de Toblach
Percurs naturalistich Lêch de Toblach

Le percurs naturalistich incër le Lech de Toblach tol ite önesc staziuns y inviëia pici y gragn da descorí la natöra. I vijitadus ciafa informaziuns menüdes sön la flora, la fauna y la geomorfologia dl raiun. Pro n valgönes staziuns pó i vijitadus ince desmostré sües capazités pratiches: che ti é pa da descorí i pa dla staziun nr. 4, depënc jö aposta por i ascogne, ponsan a sciöche i tiers fej da s’ascogne? Pro la staziun nr. 9 mësson indere avëi forza da trá salc. Chiló él da fá gara cun i abitanc dl bosch por odëi chi che tira le salt plü lunch. Che davagnará mo?

Deach’al é un di püc raiuns tömi che é ciamó restà te nosta provinzia, é le Lech de Toblach conesciü dantadöt danter i amisc di vicí. Tratan la migraziun di vicí da d’aisciöda y da d’altonn pón ince odëi val’ vicel migradú ch’an vëiga zënza ma dër dainré. La roda dl lech é plü o manco dui chilometri y mez lungia, an vá na te picia ora.

  • La cherta dl percurs naturalistich „Tru di lersc“ da desćiarié en PDF (grandëza: 0,98 MB)

Tru didatich „Maitequellen“ a Braies

Tru didatich „Maitequellen“ a Braies
Tru didatich „Maitequellen“

Le tru didatich che é plü o manco n chilometer y mez lunch, condüj te un di plü bi posć da fontanes de nosta provinzia. Sön na gran spersa da plan flocorëiel ega fora de n gröm de büsc, che forma spo de te pici rüs y s’abina sö chiló y ailó te lagosc. A dötes les fontanes adöm i vëgnel dit „Maitequellen“.

Do la sëmena nr. 37 él gnü cherié n tru didatich cun nü punc d’informaziun sön aspec desvalis che á da nen fá cun l’argomënt „ega“.

Naturerlebnisweg "Tru dal'ega"

Le Tru dal’ega é na spazirada renfrescanta y codüj aper dl rü pian ia dala Ciasa dl Parch natural a Al Plan cina alea feter 40 fontanes, che rogor dal terac dl boschvërt dlungia le Le dla Crëda, y da dailó ales cascades de Ciastlins y ala fontana misteriosa "Ega de San Vi". Tofles metüdes sö cun cura, cunta la verité dl elemënt ega a pici y gragn escurjionisć. An pó imparé tröp sön la flora y la fauna dl rü y de sües spones.